الجمعة، أكتوبر 15، 2010

33 مذكرات طالب حيوان(1): مقدمة لازمة..!

(1) مقدمة لازمة

طبعا كان واضحا من بانر الإعلان أن هذه السلسلة هي مذكراتي في كلية العلوم.. وكنت أريد أن أتحدث - في الحلقة الأولى - عما قبل دخول كلية العلوم..
عن السبب في وقوعي في مستنقعها اللذيذ..!

لكنك - لا بد - تريد مني أن أفسر لك العنوان..!
الموضوع ببساطة أن هذه مذكرات.. وهي تخص طالب حيوان.. ظننت ذلك واضحا!!
تسألني: ومن المقصود بـ(طالب حيوان)؟
طبعا أنا المقصود بذلك.. ظننت ذلك مفهوما!!

تسألني من جديد: ولماذا أطلقتَ على نفسك هذا الاسم؟
سبحان الله..! بالتأكيد لأنني بالفعل طالب حيوان.. ظننت ذلك لا يحتاج إلى تفسير!!

الآن أرى أن البعض بدأ يفكر في خنقي!!
لذا - إيثارا للسلامة - سأفسر الأمور أكثر...
الحكاية أننا في الكلية كنا نحضر- من حين لآخر - بعض الفعاليات والأنشطة بالمشاركة مع طلاب من كليات أخرى، وكنا - بطبيعة الحال - نتعارف فيما بيننا؛ فكان كل طالب يعرفنا بنفسه ذاكرا اسمه واسم كليته.. لكن بما أن كليتنا عديدة الأقسام، فكان كل منا يذكر اسمه واسم القسم الذي ينتمي إليه..
فبينما يقدم الآخرون أنفسهم هكذا: محمد علي - تجارة، إبراهيم عبد الله - إعلام....
كنا نحن نقدم أنفسنا هكذا: كريم أحمد - كيمياء، ربيع عامر - جيولوجيا، .... ماجد القاضي - حيوان..!!!
كانت الكلمة تخرج مني تلقائية؛ فقد تعودنا في الكلية على ذلك، وهي لا تثير دهشة أو ضحك طالب العلوم.. لكن عندما يكون من الحاضرين طلاب من كليات أخرى كانت الضحكات تتعالى..!!
أظن أن الأمور الآن صارت واضحة.. فكما أن هناك مذكرات طالب تجارة.. ومذكرات طالب حقوق.. فهذه مذكرات طالب حيوان..!

* * * * *
لكن.. لماذا التحقتُ بكلية العلوم.. ذلك الصرح ذي الطراز الإنجليزي العتيق؟
وكيف صرتُ طالبا في قسم علوم الحيوان..؟
وما حكاية (تأثير الفراشة) معي؟
لهذا حديث آخر...

هناك 33 تعليقًا:

كلمات من نور يقول...

ههههههههههههههههههه اضحك اللة سنك ...حلوة وجديدة والحمدلله إني كنت طالبة مكتبات

Haytham Alsayes يقول...

ههههههههههههههه
فكرتني بنفسي
كنت بقول هيثم تاريخ

تحياتي

LOLOCAT يقول...

السلام عليكم ورحمة الله
اعتقد كان لى نصيب وقدر ان استشف مفهوم العنوان لان اخى طالب كيمياهههههههه
ياريت بقى التخصص يكون طالب حيوان شعبة قطط علشن نفهم الموضوع مع بعض ببساطة هههههه

فى انتظار باقى الاجزاء
تحياتى

قطرة وفا يقول...

ههههههههههههههههههه اضحكتني حقاً ..

بالانتظاااااار

طوبه فضه وطوبه دهب يقول...

عارف ان كليه علوم دى ليها معايا حكايات وقصص وروايات لدرجه انى قدمت ورقى فعلا وحضرت اسبوع فى علوم وكنت حبه قسم الحيوان جدا ولكن بعد اول اسبوع حضور كانت النتيجه الطبيعيه انى اسحب ورقى واروح بيطرى ذى الشاطره اللى قعدت اتريق عليها واهرب منها ولله الحمد بقالى سنتين دلوقتى متخرجه ههههههههه بجد خريجين علوم لهم الجنه اما خريجين بيطرى فلهم الجنه ونعيمها من اللى شفته فيها هههههههههه ولكن يكفينى انى بحبها اوى دلوقتى

موناليزا يقول...

:) ايه الكروتة دى يا استاذ ماجد
عموما هنعديها على اعتبار ان فعلا العنوان يحتاج لتوضيح
بس على فكرة انا فهمتها على طول لان ده كان العادى بتاعى انا وصحباتى فى كلية تربية:)

ماجد القاضي يقول...

كلمات من نور:

"الحمدلله إني كنت طالبة مكتبات".... قصدك إيه؟!!!
شكرا على المرور.. تحياتي.

ماجد القاضي يقول...

Haytham Alsayes :
ماشي يا عم التاريخ!!
بس إياك تناديني وقولي ماشي يا عم الــ.....!!!

اشكرك على المرور..
وتحياتي أخي الحبيب..

ماجد القاضي يقول...

LOLOCAT :
وعليكم السلام ورحمة الله وبركاته

"ياريت بقى التخصص يكون طالب حيوان شعبة قطط..."

احمدوا ربنا إني ما كنتش في القسم اللي طلابه بيقولوا: فلان وفلان وفلان - حشرات...!!

إن شاء الله قريبا الحلقة الثانية (تأثير الفراشة)... يا ترى هتستنتجي الموضوع المرة دي؟!!

تحياتى أختي الكريمة.

ماجد القاضي يقول...

قطرة وفا:

ربنا يسعدك دائما...

ولن يطول انتظارك إن شاء الله..

تحياتي أختي الكريمة.

ماجد القاضي يقول...

طوبه فضه وطوبه دهب:

الحمد لله عندنا في البيت كل التجارب.. عندنا اللي اتعصر في علوم... واللي روحها طلعت في طب بيطري... واللي اتجننت في طب بشري...!!

الحمد لله على كل شيء :)

لكن والله لم اصبر على هذه الكلية غير حبي الحقيقي للبحث العلمي...

وعلى فكرة موضوعك جاي في المذكرات إن شاء الله قريبا...

تحياتي. 

ماجد القاضي يقول...

موناليزا:

"كروتة إيه"؟!

إذا كنتي تقصدي الحديث عما قبل الكلية فهو قادم في الحلقة القادمة إن شاء الله...

تحياتي أختي الكريمة.

ali younes يقول...

الاستاذ ماجد
مهمة جدا المقدمة دى والا كانت الامور هاتاخد طريق تاني خالص ومنحنى خطير...
الحمد للة انك وضحتلنا الفكرة من البداية ... واللي أولة نور أخرة شرط
في أنتظار الفراشات أشعر أنه عالم جميل ولطيف ولا نعلم عنة الكثير

ماجد القاضي يقول...

ali younes :

سعيد أخي الكريم أن لحقت بك قبل أن يذهب تفكيرك إلى منحناه الخطير! :)

فعلا .. "اللي أولة نور أخرة شرط"..!!
"في أنتظار الفراشات أشعر أنه عالم جميل ولطيف..."

للأسف سيخيب ظنك هذه المرة... فتأثير الفراشة الذي أقصده.. يختلف عن اللطف والرقة كثييييييرا!!

لا تتعجل.. وإن غدا لناظره قريب..
تحياتي . 

محمد الجرايحى يقول...

طبعاً هى اضافة للتخصيص ..ههههههههههههههههههه
لكن فعلاً مأزق محير

فى انتظار ماعندك
الحمد لله بنتى نبات
ههههههههههههههه

ماجد القاضي يقول...

محمد الجرايحى:

أمال يعني كنت فاكرها (نعت ومنعوت)؟؟! غفر الله لك... :)
في الحقيقة هي كانت مع التعود مصدر للتندر أكثر منها مأزق...!

بنتك في علوم... الله يعينكم...!

شكرا على متابعتك وتحياتي أخي الكريم..

ستيتة حسب الله الحمش يقول...
أزال المؤلف هذا التعليق.
ستيتة حسب الله الحمش يقول...

اجب عن الأسئلة الأتية
1- هل تحتوي كل خلايا الجسم على نفس عدد ونوع الكروموسومات؟ وإن كان يس فلما تتباين وظيفتها؟ وان كان نو فعلل يا ماجد يابني
2- يحمل الذكر كروموسوم إكس وحيد
وتحمل الأنثى زوج من كروموسومات إكس. وبما انك علومانجي يبقى مؤكد عارف ان كروموسوم إكس يحمل بعض الصفات الجسدية التي ليس لها علاقة بالجنس
السؤال
لما لا تظهر الصفة عند الذكر بنصف قدرها عند الأنثى مع ان عنده واحد وهي عندها اتنين

تحياتي يا مكافح
واتشرفت بمدونتك والله

ستيتة حسب الله الحمش يقول...

سيبك طبعا من الكلام اللي فوق ده
ده على سبيل المداعبات العلومية العقيمة
اصل حصل لي مفاجعة والله انك علومانجي وكمان ها تكتب مذكرات العذاب والضنا
اربع سنوات من التعذيب الجوانتانموي المريع :)

المجهول يقول...

جميل جدا .. أن نفتخر بتخصصنا ولا نخجل من ذكره .. وما يعني لنا من تقير واحترام ..

في انتظار الباقية

sal يقول...

ماجد

طالب حيوان

تعبيير اكثر من رائع
ما احنا من غير عقل كالانعام
بل اضل سبيلا
وساعات الحيوان بيبقى احسن

هههههه

بجد بجد احلى تخصص

تحياتى وتقديرى

حازم ربيع يقول...

اه كم يعانى طلبة العلوم
--------------
مع تحياتى /حازم ربيع

السُـلطانة يقول...

السلام عليكم ورحمة الله وبركاته ..

جميل جدا ما قرأت أخي في الله ماجد فقد ذكرتنا بأيام الدراسة الجامعية الجميلة والأخطاء العفوية التي نقع فيها ..

في انتظار جديدك .. تحياتي لك.

Ramy يقول...

(:

طيب يا عم

و أحنا منتظرين

يا.... استاذ ماجد

شكرا جدا على اهتمامك بتوضيح الكومنت

بس صدقنى كان مجرد تسائُل

شكرا ليك

(:

ماجد القاضي يقول...

ستيتة حسب الله الحمش:

نورتي المدونة يا دكتورة..
طبعا لو أجبت على الأسئلة حق إجابتها لن يكفي مدونتين ثتلاتة.. لكن برضه من قبيل الاستجابة للمداعبات العلومية، فاقول:
طبعا كل خلايا الجسم تحتوي على نفس عدد ونوع الكروموسومات.. والتباين في الوظيفة (والشكل أيضا) يحدث بسبب الأوامر التي يعطيها الـDNA وطبعا (زي ما هو واضح إن حضرتك عارفة) النسخ الذي تنتج عنه الأوامر لا يحدث في كل الشريط.. والبالتالي البروتينات الخارجة من النواة تكون مختلفة في كل حالة..

بالنسبة للسؤال التاني.. ما انتي عارفة (أكيد) يا دكتورة إن الجينات معادن... وبعضها معدنه الأصيل ما بيظهرش إلا في وجود الكروموسومين مع بعض!!!

..........
أنا اللي اتشرفت يا دكتورة.. بس فيه مهم بيطرح نفسه.. السؤال بيقول: افطن.. ما تخصص الدكتورة ستيتة؟ وما هي سنة تخرجها؟ علشان أنا خايف إنها تكون درستني؟!!

أنا أكيد مش في عمر أولادك يا دكتورة.. لكن سني هتعرفيه من البوست ده:

http://magidalkady.blogspot.com/2010/09/10-38.html

تحياتي يا دكتورة ولا تحرمينا الزيارة..

ماجد القاضي يقول...

المجهول:

حقيقي أنا بحب تخصصي جدا قبل أن أفتخر به...
إن شاء الله لن يطول انتظارك

أشكرك على المتابعة أخي الكريم..
وتحياتي.

ماجد القاضي يقول...

sal :

أشكر لك ثناءك أخي Sal .. بالفعل التخصص ده ممتع جدا (لي على الأقل)...

تشرفني دائما متابعتك المستمرة والله.. تحياتي أخي الكريم.

ماجد القاضي يقول...

حازم ربيع:

ما يصعبش عليك غالي يا عم حازم... فبعد مرحلة معينة في الكلية تتبلد مشاعرنا فلا نشعر بأي توتر من الامتحانات...!!!

نورتني بزيارتك الأولى .. إن شاء الله لا تكون الأخيرة..

على فكرة عجبتني مدونتك الخاصة بتعليم الإيطالية.. أنا بحب اللغة الإيطالية وحاولت أتعلمها أيام المراهقة... لكن لم أوفق بس طلعت بكام كلمة كده مش بطالين فاكرهم لغاية دلوقتي.. أشهرها...

شكرا = جراتسي

من فضلك = بيرفيفورا

مع السلامة = تشاو (دي كل الناس عارفاها!)

تحياتي أخي الكريم..

ماجد القاضي يقول...

السُـلطانة:

وعليكم السلام ورحمة الله وبركاته..

أسعدني أن أعيد لك بعض الذكريات الجميلة..

لن يطول انتظارك إن شاء الله..
تحياتي أختي الكريمة.

ماجد القاضي يقول...

Ramy :

سعيد جدا بوجودك هنا... كده اتأكدت إنك مش زعلان...

وإن شاء الله الحلقة الثانية على الأبواب...

أرجو أن تستمر زياراتك يا رامي...

تحياتي.

سمو الامير يقول...

هههههههههههه

انا عايز اكتب مذكراتي في الدراسة ومحتار اسميها مذكرات طالب .. ايه ؟ ومش لاقي اسم كويس
بس بجد اسم طالب حيوان ده رووووووعة هههههههههههه

رائعة أستاذ ماجد
دعواتك الاقي اسم كويس والاقي وقت اكتب فيه :)

متابع ان شاء الله

ماجد القاضي يقول...

سمو الامير:

عرفني دراستك في إيه، وأنا أختارلك اسم حلو... أعتقد أنني شاطر شوية في اختيار العناوين :)

سعدت بوجودك والله في المدونة بعد غيبة.. ما تقطعش الزيارات.

سمو الامير يقول...

معلش أنا مش بادخل نت غير كل فين وفين عشان الدراسة

أنا بادرس في كلية هندسة البترول والتعدين / قسم تكرير البترول والبتروكيماويات

هي ممكن تبقا مذكرات بتاع جاز بس الاسم ده بقا منتشر أوي :)